O Campus de Ferrol pon en marcha esta tarde un curso sobre China e o seu papel no contexto internacional

Voces de Ferrol - RadioVoz

A Facultade de Humanidades e Documentación acolle este mércores a primeira das tres sesións do curso China non horizonte do S.XXI: Sociedade, Cultura e Política Internacional, que foi organizado polo Instituto Galego de Análise e Documentación Internacional, a UDC e o Observatorio da Política China. Nesta primeira sesión participará Modesto Corderi, que fará unha introdución á cultura e á lingua chinesa (mandarín). O día 2 outubro será a quenda de Jia Bai Hui, quen profundará nas diferenzas culturais entre China e Occidente. E a última das sesións será o 9 de outubro, cando a directora adxunta do Observatorio da Política China, Marola Padín; o director do Instituto Galego de Análise e Documentación Internacional, Daniel González; e o secretario da Asociación Latinoamericana de Estudos de Asia e África, Andrés Raggio, debaterán sobre o proxecto Novas Roteiros da Seda.