बान्तवा भाषामा नेपाली क्रिश्चियन गीतहरू - Pratigya Lepcha.mp4

===== "जीवनका शब्दहरू", "राम्रो समाचार", "सुसमाचार गीतहरू" - नेपालमा बोलिने केही साना भाषाहरू / "Words of Life", "Good News", "Gospel Songds" - Some Minor Languages Spoken in Nepal =====

Nepali Christian Song In Bantawa Language - Pratigya Lepcha.mp4 // १ कोरिन्‍थि 15 - येसु म़खोन्‍तालोन्‍ताओ1हान ब़ब़, नाना खोन्‍कि निछाचि ओ, अ़ङ्‌का खानानिन खाएत्‍नानिन्‌ओ नुय़ङ्‌खान अ़ङ्‌का खानानिन मित्‍मेत्‍नानिन। मो नुय़ङ्‌खान खानानिन्‌आ त़लोउम, खोन्‍कि मोदा खानानिन त़युङिन। 2अ़ङ्‌का खानानिन खाएत्‍नानिन्‌ओ य़ङ्‌दा नुलोक त़युङिन्‌नालो ओ नुय़ङ्‌खान्‌लाम्‍पा खानानिन त़लेरिन्‌युङ्‌सिन। माङ्‌नालोना खानानिन मोहाङा साकोङ्‌छ़ङ त़मुम। 3देकिनालो साम्‌योक छाप्‍लावावात्‍नि ख्रिस्‍त आन्‍हेवाचिओ निम्‍पाङ म़सुवानिओ नुय़ङ्‌खान अ़ङ्‌का तोक्‍तुङ, मो अ़ङ्‌का झारादाङ्‌का तोक्‍पो अ़च़वाङ्‌वा खानानिन प़नानिन। 4खोक्‍को म़खुम्‍ता, खोन्‍कि साम्‍कालिन्‌वा सुम्‌कालेन्‌दा खोक्‍को म़लासाखोन्‍तालोन्‍ता। 5खोन्‍कि खोक्‍को केफास्‌एदा, खोन्‍किना झारा बारकापाङ्‌माङ्‌एदा खाङ्‌म़मुसान्‍चिन। 6खोन्‍कि आदेङ्‌माङ, खोक्‍को अ़क्‍धुवा पाच सयेकापाङ्‌दाङ्‌का च़लोक ब़ब़, नाना खोन्‍कि निछाचिएदा खाङ्‌म़मुसान्‍चिन। मोचिएदाओ खा-खाक्‍कोचि म़सुवादाचिआनुछाङ ब़द्‍धेकापाङ आइमित्‌तारि म़युङ्‌याङ। 7खोन्‍किना याकुब खोन्‍कि झारा छाम्‍माय़ङ म़नाचिएदा खोक्‍को खाङ्‌म़मुसान्‍चिन। 8खोन्‍कि झारादाङ्‌का आदेङ अ़ग़रि मान्‍तामाङ पुक्‍तान्‍चिन्‌ओ म़नावाको अ़ङ्‌काएदाछाङ खोक्‍को खाङ्‌म़मुसान्‍चिन।9छाम्‍माय़ङ म़नाचिएदाङ्‌काओ अ़ङ्‌का अ़चुप्‍पाङ ओ। अ़ङ्‌का छाम्‍माय़ङ म़नानि लोमा अ़खान्‍ऩङ, देकिनालो अ़ङ्‌का निनाम्‍हाङ्‌ओ अ़चुसाम्‍भुङ दुखा प़ङ। 10मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ। 11खोन्‌ओसा अ़ङ्‌कानुछाङ माङ्‌लो खोचिआनुछाङ आन्‍कान्‍का दि खालुसुम्‍का, मो नुय़ङ्‌खान्‌दा खानानिन साकोङ्‌छ़ङ त़मुम्‌युङ्‌सुम।