))
III. Pater Dormit
Manage episode 220344824 series 2458607
Daniel P. Wright and Dani Wright에서 제공하는 콘텐츠입니다. 에피소드, 그래픽, 팟캐스트 설명을 포함한 모든 팟캐스트 콘텐츠는 Daniel P. Wright and Dani Wright 또는 해당 팟캐스트 플랫폼 파트너가 직접 업로드하고 제공합니다. 누군가가 귀하의 허락 없이 귀하의 저작물을 사용하고 있다고 생각되는 경우 여기에 설명된 절차를 따르실 수 있습니다 https://ko.player.fm/legal.
Iūlia, fīlia Iūliī et Aemiliae, est parva puella laeta quae cantat et rīdet. Sed iam nōn cantat puella neque rīdet, sed plōrat: “Uhuhū!” Cūr plōrat Iūlia? Puella plōrat quia Mārcus eam pulsat. Mārcus est puer improbus quī parvam puellam pulsat − et rīdet!
Aemilia audit fīliam quae plōrat.
Iūlia Iūlium vocat: “Pater! Pa-ater!”
Māter fīliam audit, neque pater eam audit.
Aemilia Iūlium nōn videt et Syram ancillam interrogat: “Ubi est vir meus? Iūlia eum vocat. Cūr nōn venit?”
Syra: “Dominus dormit.”
Aemilia: “Ō! Fīlia plōrat − et pater dormit!”
Iūlia: “Uhuhū! Mārcus mē pulsat!”
Mārcus rīdet: “Hahahae!”
Pater audit fīliam quae plōrat et fīlium quī rīdet. Iam nōn dormit Iūlius.
Iūlius venit et Aemiliam interrogat: “Cūr Iūlia plōrat et Mārcus rīdet?”
Aemilia respondet: “Mārcus rīdet, quia Iūlia plōrat, et Iūlia plōrat et tē vocat, quia Mārcus eam pulsat. Puer improbus est Mārcus!”
Iūlius Mārcum vocat. Mārcus venit et Iūlium īrātum videt, neque iam rīdet puer. Pater īrātus fīlium improbum verberat!
Iam nōn Iūlia, sed Mārcus plōrat.
27 에피소드
공유
